All Bakwaas!

"jhoom barabar jhoom"


Popcorn se pestri,pestri se pizza,pizza se pub. sun rahi hu ki........
Aajkal bharat ke naye mahanagron me pub sanskriti apne pair
jama chuki he.kisi pub me bade se LCD screen par
Amitabh ji ajeeb sa gitar hath me liye gaa rahe hain...

"jhoom barabar jhoom" aur yuvao ki toli barabar jhoom rahi he.!
Aaj se 15 sal pahle America ka yuva,..teenager kahana jyada uchit
hoga....,Vo bhi jhoom raha tha aisi hi binndaas masti main...

Yah America ki vah pidhi thi jiske kandho ko,5 varsh bad,...

Americi Software Udhyog aur Corporate sector ka bhar dhona tha.

lekin jab is pidhi par ye bhar aya to...

inke kamjor kandhe is vajan ko sahn nahi kar sake,

Kyoonki..... Ye to jhoomne ke adee the..

Inki asaflta ko avsar samajh jhapet liya Bharat ki us yuva pidhi ne..

jo ki abhavo ko jhelkar badi hui thi.

unki shekshnik safalta Mata pita ke tyag ka parinam thi.

Is youth briged ne takneek ko maje k liye nahi varan gyan k liye prayog kiya tha..

Isi bhartiya pratibha ne ek dashak pahle se ab tak Americi Arthvyavstha me...

Apni majboot upsthiti darj karayi he.!
lekin ab paridrashya badal raha he...

Ab Americi Yuva pidhi Jag rahee he ...

Adhik paripakv najar aa rahi he.ab gambhirta aur sajagta,

Yuva vyaktitv me shamil hian.

15 varsh pahle ki gayi galtiyon na bahut kuchh sikhaya he is pidhi ko.

America ki safalta ka raj yahan ke logo ki
khoji pravarti aur nav pravartan me chupa he.

Yahan ki youth brige ne khoj liya he ki

Adhiktam upbhog va adhiktam santushti ki
avdharna ka parinam shunya hi hota he.

Yuva soch me aye is
parivartan se is pidhi ka bhavishya ujjaval he.!
Doosri aur khud ke vatan se aa rahi khabren sunkar lagta he ki
itihaas khud ko dohra raha he.

Bharat ki ane wali pidhi.....

A.C. mall me window shopping kar rahi he.

khud ko branded club ka hissa bana rahi he.

Cellphone va social networking sites ke bare me adhiktam
gyan hi inteligent hone ka paryay he.

Pub aur disk hi ab to pathshala he,masti ki.

Dar lagta he ye sab dekhkar,kyonnki ye sab
dedh dashak pahle America me hota tha,aur uski pariniti hamare
samne he.Brands ke liye sammohit is nayi pidhi ko lakshya kar
bahurashtriya compniya bhartiya bazzar ko dhudharu gaay ke roop
me dekh rahi hain./
lekin kya ham sabak nahi le sakte dusro ki galtiyon se?

kya ham nahi rok sakte is yuva pidhi ko jhoomne se?

kya ham apne bachcho ko keval upbhokta banana chahte hain?

Ye kuch aise saval hain...
jinke jawab samay rahte dhund liye jane chahiye.anytha hamen
Sanskratik Samantwad ke Dushparinam bhugatna hi padenge.

Youth icon Shahrukh bhi gaa rahe hain

"Kuch kariye,Kuch kariye,nas nas meri bole"



Please comment if you like this post!
An AwaazBandh Presentation!

Digg It! Add to del.icio.us Stumble This